STÆR1PI03 - Stærðfræði með áherslu á heimilisinnkaup

Peningar, innkaup, verðmiðar

Einingafjöldi: 3
Þrep: 1
Forkröfur: Engar
Ný menntastefna er höfð til grundvallar og grunnþættir menntunar eru hafðir að leiðarljósi. Áhersla verður á verðútreikninga, verðsamanburð, verðgildi og þjálfun nemenda í að lesa á verðmiða í verslunum. Farið verður í gildi peninga ásamt verklegum æfingum í búðarferðum. Stefnt er að því að viðhalda og byggja ofan á þann grunn sem nemandi hefur þegar tileinkað sér.

Þekkingarviðmið

Nemandi skal hafa öðlast þekkingu og skilning á:
  • hvernig heimilisinnkaup fara fram
  • gildi peninga
  • fjölbreytileika verslana
  • mikilvægi innkaupalista
  • að lesa verðmiða og kassakvittanir

Leikniviðmið

Nemandi skal hafa öðlast leikni í að:
  • nýta sér innkaupalista
  • nota peninga eða kort
  • lesa á verðmiða
  • fara í mismunandi verslanir
  • fara yfir kassakvittun

Hæfniviðmið

Nemandi skal geta hagnýtt þá almennu þekkingu og leikni sem hann hefur aflað sér til að:
  • búa til innkaupalista
  • versla inn fyrir heimili
  • gera verðsamanburð
Nánari upplýsingar á námskrá.is