Umhverfisstefna FNV
- Fjölbrautaskóli Norðurlands vestra leggur áherslu á að umhverfi sé snyrtilegt og heilnæmt
- Ákvarðanir um starfsemi og rekstur skólans skulu teknar með tilliti til umhverfismála
- Skólinn skilar grænu bókhaldi ár hvert.
- Skólinn setur sér markmið um minni losun gróðurhúsalofttegunda sem og minnkun sorps í urðun
- Skólinn skal ávallt fylgjast með nýjungum á sviði umhverfismála og miðla þekkingu til nemenda og starfsfólks á markvissan hátt.
- Skólinn lítur eftir og mælir þýðingarmikla umhverfisþætti stofnunarinnar reglulega.
- Umhverfisstefna skólans skal vera einföld og skýr og skal birt á vef skólans.
- Umhverfisstefna skólans skal endurskoðuð reglulega
Markmið:
- Að fylgja settum lögum og reglugerðum um umhverfisvernd og setja markmið til að ná þeim.
- Að uppfylla skrefin 5 hjá Grænum Skrefum fyrir ríkisstofnanir
- Að verða handhafi Grænfánans
- Að bjóða upp á fræðslu um umhverfismál.
- Að minnka losun gróðurhúsalofttegunda vegna starfsemi skólans
- Að minnka losun sorps til urðunar vegna starfsemi skólans
- Að virkja nemendur og starfslið skólans til þátttöku í umhverfismálum.
- Að meta árangur í umhverfismálum í skólanum
- Að vera í farabroddi í umhverfismálum og fylgjast með framförum sveitafélagsins Skagafjarðar í þeim málaflokki.
Staðan í umhverfismálum:
- Skólinn skilar grænu bókhaldi fyrir 1. apríl ár hvert
- Skólinn flokkar allt sorp á kaffistofum, göngum og útisvæði.
- Skólinn verslar við umhverfisvottuð fyrirtæki þar sem möguleiki er á því
- Allur pappír skólans er umhverfisvottaður sem og hreinsiefni sem notuð eru. Skólinn hefur minnkað notkun á spilliefnum við ræstingar töluvert.
- Starfsfólk og nemendur fá reglulega fræðslu um umhverfismál
Helstu verkefni umhverfisnefndar:
- Að hafa allan húsbúnað og búnað til vinnu og starfsaðstöðu í fullkomnu lagi svo öryggi og hreinlæti sé hvergi ábótavant.
- Að fylgjast með orkunotkun, stilla ofnkrana og loftræsta svo orkunotkun til upphitunar verði sem hagkvæmust. Stuðla skal að sem hagkvæmastri lýsingu í húsnæði skólans utan sem innan.
- Að koma upp merkimiðum með áminningum um að slökkva ljós og á tölvum eftir notkun.
- Að gera umhverfisvæn innkaup eftir því sem mögulegt er hverju sinni.
- Að nýta umhverfisvæn hreingerningarefni eftir því sem hægt er.
- Að fara varlega og sparlega með öll spilliefni, flokka þau frá sorpi, svo sem prentvökva, rafhlöður, flúorperur, málningu og leysiefni og koma þeim í spilliefnamóttöku.
- Að fræða starfsfólk um flokkun úrgangs og sinna eftirliti.
- Að allur óskila fatnaður og skór fari til líknarfélaga svo sem Rauða krossins, Hjálpræðishersins og mæðrastyrksnefndar.
- Að skýrar merkingar og leiðbeiningar um umferð og umgengni innan húss og utan séu sýnilegar, þar á meðal merkingar um að óæskilegt sé að láta bifreiðir ganga í lausagangi. Gönguleiðir séu greiðar og hjólastæði næg fyrir hjólandi vegfarendur.
