ÍÞRF2ÞJ03 - Þjálfun barna og unglinga

þjálfun

Einingafjöldi: 3
Þrep: 2
Í áfanganum er lögð áhersla á að nemendur læri um hlutverk þjálfara og leiðbeinenda í íþróttastarfi. Sérstaklega verður miðað við þjálfun barna á aldrinum þriggja til tólf ára. Lögð er áhersla á skipulag þjálfunar, áætlanagerð og markmiðssetningu. Nemendur fá undirstöðuþekkingu í kennslu- og aðferðafræði íþrótta og þjálfun í að bregðast við íþróttameiðslum. Fjallað er um mataræði íþróttamanna og kosti og ókosti orkudrykkja og fæðubótarefna. Fjallað er um þjálfarann sem fyrirmynd og í því samhengi áhrif áfengis, tóbaks og annara vímuefna á líkamann og afkastagetu íþróttamanna. Áfanginn er bóklegur.

Þekkingarviðmið

Nemandi skal hafa öðlast þekkingu og skilning á:
  • hlutverki þjálfarans
  • skipulagi og áætlanagerð í þjálfun
  • muninum á þjálfun barna og unglinga
  • hreyfiþroska, sálrænum þroska og félaglegum þroska barna
  • mikilvægi holls mataræðis í þjálfun
  • mikilvægi þess að þjálfarinn sé fyrirmynd

Leikniviðmið

Nemandi skal hafa öðlast leikni í að:
  • skipuleggja þjálfun til lengri og skemmri tíma
  • standa fyrir framan hóp og útskýra æfingar
  • notfæra sér upplýsingatækni við þjálfun og undirbúning þjálfunar

Hæfniviðmið

Nemandi skal geta hagnýtt þá almennu þekkingu og leikni sem hann hefur aflað sér til að:
  • miðla þekkingu sinni til iðkenda við grunnþjálfun barna og unglinga
  • skipuleggja grunnþjálfun miðað við mismunandi aðstæður og mismunandi getustig iðkenda
  • aðlaga og breyta æfingum svo þær hæfi mismunandi aldursstigum
Nánari upplýsingar á námskrá.is