UPBR2BV05 - Uppbygging og virkni brunahreyfla

Bifvélavirkjar

Einingafjöldi: 5
Þrep: 2
Forkröfur: Grunnnám bíliðngreina.
Farið er yfir virkni og flokkun ýmissa hreyfla. Farið er yfir heiti og hlutverk íhluta. Áhersla lögð á blokk, hedd, stimpla, sveifarás og knastás. Farið yfir vinnureglu ýmissa hreyfla, tímafærslubúnað og ventlatíma. Farið yfir legur og þéttingar. Áhersla á rétta notkun verkfæra, mælitækja og tækniupplýsinga við viðgerðir hreyfla. Einnig farið yfir mikilvægi hreinlætis þegar unnið er við hreyfla.

Þekkingarviðmið

Nemandi skal hafa öðlast þekkingu og skilning á:
  • helstu íhlutum og grunnvirkni ýmissa gerða hreyfla.
  • vinnureglu og byggingarlagi hreyfla.
  • tímafærslubúnaði.
  • kælikerfi.
  • smurkerfi.

Leikniviðmið

Nemandi skal hafa öðlast leikni í að:
  • nota viðeigandi verkfæri og mælitæki.
  • taka í sundur, mæla og setja saman hreyfil.
  • framkvæma þjöppumælingu.
  • nota viðeigandi tækniupplýsingar.

Hæfniviðmið

Nemandi skal geta hagnýtt þá almennu þekkingu og leikni sem hann hefur aflað sér til að:
  • taka í sundur og setja saman hreyfil samkvæmt upplýsingum framleiðanda.
  • nefna íhluti og hlutverk þeirra.
  • Útskýra virkni hreyfla.
  • nota viðeigandi verkfæri og mælitæki.
Nánari upplýsingar á námskrá.is