SPÆN1AV05 - Spænska 3

evrópski tungumálaramminn, stig a2, viðbót

Einingafjöldi: 5
Þrep: 1
Forkröfur: Spænska 2
Nemendur öðlast leikni í að segja frá liðnum atburðum í þátíð og að endursegja lengri texta. Þeir lesa létta bókmennta- og nytjatexta og vinna verkefni, þýðingar og endursagnir úr þeim. Mikil áhersla er lögð á tileinkun orðaforða með notkun orðabóka og tölvu (Google translate) og talæfingar. Samskiptahæfni nemenda er þjálfuð markvisst. Nemendur eru hvattir til að hafa samband við kennara á spænsku, s.s. skilaboð í tölvupósti. Í auknum mæli eru unnin sjálfstæð skapandi verkefni í tölvunni þar sem við hvert verkefni er lögð áhersla á eitt sérstakt atriði í málfræði og málnotkun, s.s. þúun-þérun, rétta þátíð, tilvísunarorð- spurnarorð.

Þekkingarviðmið

Nemandi skal hafa öðlast þekkingu og skilning á:
  • framburðarreglum
  • orðaforða í kennslubók og nytjatextum
  • notkun tíða og greinarmun á atburðum og ástandi
  • ákveðinni og ófullkominni þátíð, núliðinni tíð, þáliðinni tíð og framtíð
  • fornöfnum í öllum aukaföllum
  • algengustu orðasamböndum

Leikniviðmið

Nemandi skal hafa öðlast leikni í að:
  • taka þátt í undirbúnu samtali um kunnugleg málefni, áhugamál sín, fjölskyldu, nágranna og vini, ferðalög og vinnu
  • ná megininnihaldi í samtali þriggja til fjögurra einstaklinga
  • endursegja og að tjá sig um skoðanir sínar
  • útskýra algenga og þekkta hluti
  • segja frá atburðum og innihaldi léttra og einfaldra texta
  • vinna með málfræði, stíl og orðaforða

Hæfniviðmið

Nemandi skal geta hagnýtt þá almennu þekkingu og leikni sem hann hefur aflað sér til að:
  • bjarga sér á spænskumælandi svæði, til dæmis með því að:
  • spyrja og segja til vegar,
  • panta mat og drykk,
  • bóka hótelherbergi,
  • reikna og skila upphæð sem þarf að borga,
  • hafa samband við lækni eða lögreglu í neyðartilfelli
Nánari upplýsingar á námskrá.is