ÍSLE3BF05 - Bókmenntir frá landnámi fram á 19. öld

bókmenntir fyrri alda

Einingafjöldi: 5
Þrep: 3
Forkröfur: ÍSLE2BM05
Í þessum áfanga verður fjallað um bókmenntir og bókmenntasögu frá landnámi til 1880. Lesin verða kvæði og textar frá fornöld og miðöldum ásamt kvæðum og textum lærdóms- og upplýsingaraldar og rómantíkur. Haldið áfram að þjálfa nemendur í ritun, heimildavinnu og skapandi túlkun á efni. Nemendur lesa Íslendingasögu og/eða skáldsögu sem tengist tímabilinu.

Þekkingarviðmið

Nemandi skal hafa öðlast þekkingu og skilning á:
  • helstu verkum tímabilsins, bókmenntahugtökum og mismundandi tegundum bókmennta
  • greina strauma og stefnur í bókmenntasögu tímabilsins
  • ólíkum bragarháttum
  • orðaforða sem nægir til að lesa helstu verk íslenskrar bókmenntasögu
  • ritgerðasmíð og heimildavinnu

Leikniviðmið

Nemandi skal hafa öðlast leikni í að:
  • skilja og meta forna texta og geta tjáð sig í ræðu og riti um verk og höfunda tímabilsins
  • lesa sér til gagns texta frá fyrri öldum
  • draga saman upplýsingar um efnið og vinna úr því á viðurkenndan hátt
  • flytja af öryggi vel uppbyggða kynningu á krefjandi efni
  • túlka og endurskapa efni og texta

Hæfniviðmið

Nemandi skal geta hagnýtt þá almennu þekkingu og leikni sem hann hefur aflað sér til að:
  • tjá rökstudda afstöðu og taka virkan þátt í málefnalegri umræðu
  • sýna frumkvæði og sjálfstæði í vinnubrögðum
  • draga saman aðalatriði og beita gagnrýninni hugsun við lestur og túlkun texta
  • skrifa skýran og vel uppbyggðan texta
  • beita málinu á viðeigandi hátt við mismunandi aðstæður
  • sýna víðsýni og sköpunarhæfni í málflutningi sínum og umfjöllun
Nánari upplýsingar á námskrá.is