KYNJ1KY03 - Kynjafræði

Kynjafræði

Einingafjöldi: 3
Þrep: 1
Forkröfur: Félagsfræði/félagsvísindi á fyrsta þrepi.
Grunnáfangi í kynjafræði þar sem teknar eru fyrir birtingarmyndir og staðalmyndir kynjanna í fortíð og nútíð með áherslu á að greina stöðu kynjanna eins og hún er í dag víðsvegar um heiminn. Fjallað er um mikilvægi jafnræðis meðal borgara í lýðræðisþjóðfélagi. Í því sambandi verður unnið sérstaklega að greiningu á þeim menningarlega og félagslega mun sem einkennt hefur stöðu kynjanna í samfélaginu í gegnum söguna til dagsins í dag. Fjallað er rækilega um stöðu kynjanna á ýmsum sviðum samfélagsins allt frá fjölskyldulífi til stjórnmála. Leitað verður svara við því af hverju staða kynjanna er ólík og hvort að þörf sé fyrir breytingar. Nemendur fá þjálfun í beitingu kynjagleraugna á hin margbreytilegu svið mannlífsins.

Þekkingarviðmið

Nemandi skal hafa öðlast þekkingu og skilning á:
  • grundvallarhugtökum kynjafræðinnar
  • stöðu og viðhorfum til kynjanna í samfélaginu
  • sögu jafnréttisbaráttunnar
  • stöðu og réttindarbaráttu ýmissa jaðarhópa hér heima og erlendis

Leikniviðmið

Nemandi skal hafa öðlast leikni í að:
  • taka þátt í umræðum um algeng álitamál sem tilheyra kynjafræðinni
  • greina stöðu og staðalmyndir kynjanna úr fjölbreyttum miðlum

Hæfniviðmið

Nemandi skal geta hagnýtt þá almennu þekkingu og leikni sem hann hefur aflað sér til að:
  • líta á samfélagið út frá sjónarhorni kyns og kynferðis með gagnrýnum augum
  • mynda sér skoðun og gera grein fyrir henni með tilliti til kenninga kynjafræðinnar og hugtaka
Nánari upplýsingar á námskrá.is