VÉLF2VE05(AV) - Vélfræði 2

varmajöfnuður og eimur

Einingafjöldi: 5
Þrep: 2
Forkröfur: VÉLF1AE05, VÉLS2KB05
Í þessum áfanga læra nemendur hvernig orkan í eldsneytinu breytist m.a. í hreyfiorku og varmaorku og hvernig hún nýtist til að knýja skipið áfram. Farið verður yfir grunnþætti gufukatla og eimframleiðslu. Nemendur læra að útleiða formúlur sem koma fyrir í námsefninu, útskýra gildi breytnanna í formúlunum og beita þeim á viðeigandi hátt við lausn verkefna. Farið í útreikninga á dælukerfum.

Þekkingarviðmið

Nemandi skal hafa öðlast þekkingu og skilning á:
  • umbreytingu á orku við notkun brunavélar, varmajöfnuð og nýtingu orku
  • nýtingu orku í brunavélum og nýtingu orku við að knýja skip áfram
  • mótsstöðu skipa í sjó og olíunotkun
  • sveigju skipsskrúfu, skrikun hennar, skrúfulínuriti, afkastalínuriti
  • neðra og efra varmagildi olíu og aðferðum við mælingu varmagildis
  • fullkomnum bruna og orsökum ófullkomins bruna
  • fræðilegri loftþörf, loftaukatölu og raunverulegri loftþörf brunavéla og katla
  • notkun eims við aflfærslu, notkun á eimtöflum, myndunarvarma og nýtni ketils
  • mismuni á vatnsrörakatli og reykrörakatli
  • aflþörf dælukerfa
  • kennilínu miðflóttaaflsdælu

Leikniviðmið

Nemandi skal hafa öðlast leikni í að:
  • reikna varmagildi eldsneytis út frá efnasamsetningu þess
  • lesa út úr eimtöflum
  • lesa út úr h-t linuriti

Hæfniviðmið

Nemandi skal geta hagnýtt þá almennu þekkingu og leikni sem hann hefur aflað sér til að:
  • gera varmajöfnuð fyrir vélkerfi
  • finna leiðir til olíusparnaðar um borð í skipum
  • setja fram útreikninga á skipulegan og snyrtilegan hátt
  • gera varmajöfnuð fyrir dieselvél og ketil
Nánari upplýsingar á námskrá.is