Skólafundur

Sýnishorn veggspjalda

Þann 19. febrúar var haldinn skólafundur FNV þar sem leitað var eftir viðhorfum nemenda varðandi gildi skólans sem eru vinnusemi, virðing og vellíðan. Nemendur unnu saman í hópum, 3-5 í hópi. Hver hópur valdi sér viðfangsefni tengt gildum skólans.  Valið var frjálst en gefnar voru nokkrar hugmyndir:

Hvers vegna eru gildin vinnusemi, virðing og vellíðan mikilvæg í skólanum?

Mikilvægi vinnusemi, virðingar og vellíðunar í áhugamálinu mínu/okkar? Dæmi: Við ástundun íþrótta, leiklistar, tónlistar eða tölvuleikja.

Teiknið/finnið/takið myndir sem sýna gildin vinnusemi, virðingu og vellíðan.

Hvernig er hægt að gera gildin vinnusemi, virðingu og vellíðan sýnilegri í skólastarfinu?

 
Nemendur veltu fyrir sér merkingu gildanna og hönnuðu veggspjöld.  Veggspjöldin voru á pappír eða rafræn.  Spjöldin voru  hengd upp á göngum skólans og birtar voru myndir á Instagram skólans, fnv_fjolbraut

Skólafundurinn tókst vel með virkri þátttöku nemenda sem skiluðu mörgum vel unnum spjöldum.  Óhætt er að fullyrða að nemendur eru nú meðvitaðri um gildi skólans.