Skólaslit FNV 2024

Brautskráningarnemar 2024

Fjölbrautaskóla Norðurlands vestra var slitið í 45. sinn við hátíðlega athöfn í íþróttahúsinu á Sauðárkróki föstudaginn 24. maí 2024 að viðstöddu fjölmenni.

Í máli skólameistara, Ingileifar Oddsdóttur, kom m.a. fram að 3222 nemendur hafa brautskráðst frá skólanum frá upphafi skólahalds haustið 1979. Hún fjallaði m.a. um það fjölbreytta námsframboð sem skólinn býður upp á. Hún greindi frá fjölgun nemenda, einkum iðn- og starfsgreinum og nýjar námsbrautir þ.á.m. í matvælagreinum og nám í viðhaldi gamalla húsa og súðbyrtra báta, það síðarefnda í samvinnu við Síldarminjasafnið á Siglufirði. Þá fjallaði hún um stoðkerfi skólans og gat þess að á skólaárinu hafi verið unnið að innleiðingu leiðsagnarmats. Loks gat hún þess að samþykkt hefur verið að stækka verknámshús skólans um 1.400 fm.

Kristján Bjarni Halldórsson, áfangastjóri, flutti vetrarannál skólans þar sem stiklað var á stóru í starfsemi hans. Á haustönn voru skráðir 741 nemendur og á vorönn voru þeir 698. Nemendur stunduðu námið í dagskóla, helgarnámi, dreifnámi eða fjarnámi. Á haustönn 2023 störfuðu 66 starfsmenn í 57 stöðugildum við skólann og á vorönn 2024 störfuðu 68 starfsmenn í 57 stöðugildum. Kristján greindi frá starfsemi einstakra deilda og rakti helstu viðburði þ.á.m. viðburði sem tengjast alþjóðasamtarfi.

Þá kom fram að félagslífið hefur verið öflugt og drifið áfram af metnaðarfullu nemendaráði. Leikritið Með allt á hreinu var sett á svið og naut mikilla vinsælda. Loks varð Emelíana Lillý Guðbrandsdóttir sigurvegari í Söngkeppni framhaldsskólanna.

Að loknum vetrarannál fór fram brautskráning og afhending viðurkenninga, sem var í höndum skólameistara. Alls brautskráðust 124 nemendur af eftirtöldum námsbrautum en alls voru gefin út 151 prófskírteini:

• Félagsvísindabraut: 11
• Fjölgreinabraut: 17
• Hestabraut: 2
• Húsasmíðabraut: 17
• Íþróttaakademía: 7
• Kvikmyndabraut: 4
• Meistaranám iðngreina: 10
• Náttúruvísindabraut: 10
• Trefjaplastsmíði: 1
• Rafvirkjun: 16
• Sjúkraliðabrú: 4
• Sjúkraliðabraut: 14
• Starfsbraut: 2
• Stúdentsbraut starfsnáms: 15
• Vélstjórnarbraut A: 11
• Vélstjórnarbraut B: 4
• Vélvirkjun: 6

Lydía Einarsdóttir og Jóel Agnarsson fluttu ávarp fyrir hönd brautskráðra nemenda og Kristín Sigurrós Einarsdóttir flutti ávarp nemenda sem brautskráðust fyrir 30 árum síðan. Þau Emelíana Lillý Guðbrandsdóttir og Jóel Agnarsson sáu um tónlistarflutning við brautskráninguna.

Í kveðjuorðum skólameistara til brautskráðra nemenda lagði hún út af einkunnarorðum skólans sem eru vinnusemi, virðing og vellíðan. Hún hvatti nemendur til tileinka sér þau lífsgildi sem í þeim felast og umgangast aðra af virðingu. Þá óskaði hún þeim velfarnaðar í framtíðinni.

Eftirtaldir nemendur fengu viðurkenningar:

Atli Steinn Stefánsson

• Viðurkenning fyrir framúrskarandi námsárangur í sérgreinum náttúruvísindabrautar á stúdentsprófi.
• Menntaverðlaun Háskóla Íslands fyrir framúrskarandi árangur á stúdentsprófi og eftirtektarverða þrautseigju.

Einar Ísfjörð Sigurpálsson

• Viðurkenning og þakkir fyrir framúrskarandi störf á vettvangi félagsmála nemenda, forystu fyrir Nemendafélag FNV og alla framgöngu á vettvangi skólastarfs

Elsa Rut Róbertsdóttir

• Viðurkenning fyrir framúrskarandi námsárangur í sérgreinum sjúkraliðanáms

Freyja Lubina Friðriksdóttir

• Viðurkenning fyrir framúrskarandi alhliða námsárangur í húsasmíði

Lárus Fannar Sigmundsson

• Viðurkenning fyrir framúrskarandi alhliða námsárangur á vélstjórnarbraut B
• Viðurkenning fyrir framúrskarandi alhliða námsárangur í vélvirkjun

Lydía Einarsdóttir

• Viðurkenning fyrir framúrskarandi alhliða námsárangur á stúdentsprófi félagsvísindabrautar
• Viðurkenning fyrir framúrskarandi námsárangur í íslensku á stúdentsprófi
• Viðurkenning frá Sögufélagi og aðstandendum Þorgerðar H. Þorvaldsdóttur fyrir framúrskarandi námsárangur í sögu á stúdentsprófi.

Magnea Petra Rúnarsdóttir

• Viðurkenning fyrir framúrskarandi námsárangur í stærðfræði á stúdentsprófi

María Katrín Rúnarsdóttir

• Viðurkenning fyrir framúrskarandi alhliða námsárangur á stúdentsprófi náttúruvísindabrautar
• Raungreinaverðlaun Háskólans í Reykjavík fyrir framúrskarandi námsárangur í raungreinum á stúdentsprófi

Martha Elena Laxdal

• Viðurkenning frá Danska sendiráðinu fyrir framúrskarandi námsárangur í dönsku

Snædís Lind Einarsdóttir Evensen

• Viðurkenning fyrir framúrskarandi alhliða námsárangur á sjúkraliðabraut

Vilborg Jóhanna Líndal

• Viðurkenning fyrir framúrskarandi námsárangur í ensku á stúdentsprófi

Þórgunnur Þórarinsdóttir

• Viðurkenning fyrir framúrskarandi námsárangur í sérgreinum hestabrautar á stúdentsprófi

Þá fengu brautskráðir nemendur af sjúkraliðabraut og sjúkraliðabrú afhenta viðurkenningu frá Sjúkraliðafélagi Íslands.