Fréttir

Kennsla á vorönn 2023 hefst samkvæmt stundatöflu miðvikudaginn 4. janúar. Stundatöflur verða aðgengilegar í INNU þriðjudaginn 3. janúar. Töflubreytingar fara fram í Innu 3. - 6. janúar.

Föstudaginn 16. desember kl. 9:00-10:00 gefst nemendum kostur á að skoða úrlausnir sínar úr verkefnum og prófum sem þeir hafa ekki fengið til baka frá kennurum sínum. Bóknámskennarar verða í salnum í bóknámshúsi og verknámskennarar í verknámshúsi.

Umsóknarfrestur um helgarnám í vélstjórn A sem hefst á vorönn 2023 er til 12. desember. Sótt er um á skrifstofu skólans, í síma 455-8000 og með tölvupósti á fnv@fnv.is.

Þrír nemendur og tveir kennarar fóru til Tékklands og Póllands til að taka þátt í Erasmus+ verkefninu ICT III dagana 20. til 25. nóvember.

Fjölbrautaskóli Norðurlands býður upp á námskeið í trefjaplastsmíði á vorönn 2023 í samvinnu við Iðuna, Samtök iðnaðarins og Samgöngustofu.

Á vorönn 2023 verður í boði valáfanginn Fyrirtækjasmiðja. Þróun viðskiptahugmyndar, gerð viðskiptaáætlunar, markaðssetning, starfsmannamál, fjármögnun, raunverulegt verkefni og stofnun fyrirtækis.

Öryggismál eru stór hluti af náminu í verknámsdeildum FNV og nemendur þurfa að tileinka sér að setja öryggið alltaf á oddinn. Miðvikudaginn 2. nóvember var formleg afhending þar sem nemendur á fyrsta ári í tréiðnadeild, málmiðnadeild og rafiðnadeild fengu vinnuföt og öryggisbúnað.

Nýir hópar fara af stað í helgarnámi í vélstjórn A, húsasmíði og húsgagnasmíði og í meistaraskóla ef næg þátttaka fæst á vorönn 2023.

Frestur til að sækja um jöfnunarstyrk vegna haustannar 2022 rennur út 15. október.

Meðal valáfanga í boði á vorönn 2023 eru ENSK3DY05 (Enska, yndislestur), FÉLV3MR05 (Mannréttindi - saga og samfélag), RAFL1VA03 (Raflagnir fyrir áhugafólk - kynningaráfangi), SPÆN2DD05 (Spænska 4) og ÞÝSK2BE05 (Berlínaráfangi) Nemendur geta valið áfanga af öðrum brautum til að setja í frjálst val. Val í dagskóla og helgarnámi fyrir vorönn 2023 fer fram dagana 5. til 12. október í INNU.