Fréttir

Í gær var styrkjum úr Afreks- og hvatningarsjóði stúdenta Háskóla Íslands úthlutað til 28 nemenda úr 16 framhaldsskólum víðsvegar að af landinu. Er þetta í tíunda sinn sem úthlutað er úr sjóðnum. 

Enn eru laus pláss á eftirtöldum námsbrautum: *Húsasmíðabraut *Rafvirkjun * Vélvirkjun *Vélstjórn Fyrstur kemur, fyrstur fær.

Fjölbrautaskóla Norðurlands vestra var slitið í 38. sinn við hátíðlega athöfn í íþróttahúsinu á Sauðárkróki laugardaginn 27. maí að viðstöddu fjölmenni. Alls brautskráðust 75 nemendur frá skólanum.

Einkunnir nemenda verða aðgengilegar í INNU þriðjudaginn 23. maí kl. 12:00. Prófsýning verður föstudaginn 26. maí kl. 9:00 - 10:00. Brautskráning verður í íþróttahúsinu á Sauðárkróki laugardaginn 27. maí kl. 13:00. Nemendur mæta í myndatöku eigi síðar en kl. 11:30. Daginn fyrir útskrift verður æfing í íþróttahúsinu kl. 13:30, þar sem farið verður yfir helstu atriði.

Almennar prófreglur 1.Nemendur skulu mæta tímanlega til prófs. Á göngum Bóknámshúss er tilkynnt á töflum hvar próf fara fram. 2.Próftími er 90 mínútur. 3.Nemendur mega ekki yfirgefa prófstofu fyrr en 45 mínútur eru liðnar af próftímanum. 4.Geti nemandi ekki mætt til prófs vegna veikinda, skal hann tilkynna það áður en próf hefst og skila læknisvottorði eins fljótt og mögulegt er. 5.Nemendum er óheimilt að hafa töskur með sér í próf, sama gildir um síma, lófatölvur og önnur slík tæki, líka þó slökkt sé á þeim. Yfirsetumenn munu skoða í pennaveski og fletta leyfilegum hjálpargögnum. 6. Verði nemandi uppvís að því að hafa rangt við í prófi eða verkefni sem gildir til lokaeinkunnar, varðar það ógildingu prófs eða verkefnis.

Föstudaginn 24. mars var samningur FNV og körfuboltadeildar U.M.F.Tindastóls um íþróttaakademíu í körfubolta endurnýjaður með undirskrift skólameistara, Ingileifar Oddsdóttur og Stefáns Jónssonar, formanns körfuboltadeildarinnar. Blómlegt íþróttalíf er framundan í skólanum því auk íþróttaakademíunnar í körfubolta verður starfrækt íþróttaakademía í knattspyrnu.

Spænsku 1(SPÆN1AG05) og spænsku 3 (SPÆN1AV05) var bætt við áfanga í boði í vali fyrir haustönn 2017.

Val fyrir haustönn fer fram miðvikudaginn 22. mars. Mikilvægt er að nemendur vandi valið. Í valinu þurfið þið að bera saman brautina ykkar og áfanga í boði.