Fréttir

Dagskrá Opinna daga

Undirbúningur Opinna daga stendur nú sem hæst.

Kennsluvikan 6. - 10. mars er viðburðarík. Miðannarmat er birt í Innu þann 6. mars. Áfangakannanir miðannar eru í Innu og loka 8. mars. Opnir dagar verða 8. - 10. mars. Nemendaráð FNV (NFNV) skipuleggur dagskrána og hefur umsjón með Opnum dögum. Árshátíð NFNV verður föstudaginn 10. mars. Njótið vikunnar!

Nemendum gefst kostur á að sækja námskeið/smiðjur í öðrum framhaldsskólum 6. - 10. mars. Þetta er tilraunaverkefni sem nefnist Fardagar. Einnig munu nemendur frá öðrum skólum sækja námskeið í FNV. Námskeiðin eru 3 - 5 dagar.

Frí verður hjá nemendum fimmtudaginn 2. mars og föstudaginn 3. mars.

Keilir verður með kynningu á námsframboði sínu í FNV fimmtudaginn 23.febrúar kl. 11:20 í stofu 301. Keilir býður m.a. upp á flugakademíu, íþróttaakademíu og nám í tæknifræði. Allir velkomnir.

Söngkeppni FNV var haldin á sal skólans föstudaginn 17. febrúar fyrir fullu húsi áhorfenda.

Söngkeppni NFNV 2017 verður haldin 17. febrúar.

Kennarar og nemendur í málmiðna- og vélstjórnardeild Fjölbrautaskóla Norðurlands vestra hafa undanfarnar vikur unnið hörðum höndum við smíði og frágang Eddunnar. Um er að ræða verðlaunagrip Eddunnar íslensku kvikmynda- og sjónvarpsverðlaunanna.

Mánudaginn 13. febrúar fékk skólinn góða gesti í heimsókn frá Grunnskóla Húnaþings vestra. Um var að ræða 28 manna hóp úr 8. og 9.bekk. Gestirnir fengu kynningu á námsframboði skólans og nemendafélagið sá um að kynna fyrir þeim skólahúsnæðið og starfsemi nemendafélagsins. Heimsókninni lauk á heimavistinni þar sem gestirnir fengu hádegismat og skoðunarferð um heimavistina. Skólinn þakkar þessum góðu gestum fyrir komuna.