Fréttir

Forritunarkeppni framhaldsskólanna 2019 verður haldin í Háskólanum í Reykjavík 23. mars.

Karlar í hópi starfsmanna FNV buðu samstarfskonum í kaffi föstudaginn 22. febrúar í tilefni konudags. Konunum voru afhentar eldrósir sem karlarnir smíðuðu undir dyggri stjórn málmiðnkennara. Efniviður eldrósar er 5mm stálteinn og 0,8 mm stálplötur sem eru skornar til til að mynda blóm og laufblöð. Blóm og laufblöð eru soðin við stöngulinn. Blómin og blöðin eru beygð í eldi. Þá er sandbláið til að losa eldhúð burt. Loks er rósin sett í eld til að bláma.

Ljósmyndakeppni nemenda FNV er hafin og stendur til 17. mars. Allir skráðir nemendur skólans geta tekið þátt. Þema keppninnar er Fjör í FNV. Keppnisreglur 1. Hver keppandi skilar 1-3 myndum úr skólalífi FNV. 2. Allir skráðir nemendur skólans eru gjaldgengir í keppnina. 3. Myndunum skal skal skilað á rafrænu formi sem viðhengi í fullri stærð í gegnum fnvkeppni@gmail.com fyrir miðnætti mánudaginn 17. mars. 4. Fjölbrautaskóli Norðurlands vestra hefur birtingarrétt á öllum myndum sem berast í keppnina og áskilur sér rétt til að nota þær í kynningarskini. Áður en er til birtingar kemur þarf FNV að afla samþykkis þeirra sem birtast á myndunum nema um hópmyndir sé að ræða. 5. Við skil á myndum þarf að fylgja nafn höfundar og þeirra einstaklinga sem birtast á myndunum. Ekki er þörf á nafnalista fyrir hópmyndir. 6. Dómnefnd er skipuð einum nemanda, einum starfsmanni FNV og einum ljósmyndara. Ein verðlaun eru í boði en það er glæsileg myndavél, CANON, EOS 4000D sem gefin er af Origo og Tengli ehf. Nánari upplýsingar um vélina verða gefnar síðar. Verðlaunaafhending fer fram á sal skólans mánudaginn 25. mars kl. 09:30.

Söngkeppni FNV fór fram föstudaginn 15. febrúar. Fjöldi atriða var 13 og kenndi þar margra grasa, allt frá klassísku rokki til rapps með viðkomu í poppi. Kynnar kvöldsins voru Rebekka Ósk Rögnvaldsdóttir og Bergljót Ásta Pétursdóttir. Dómnefndina skipuðu Helgi Sæmundur Guðmundsson, Stefán Gíslason og Helga Rós Sigfúsdóttir. Reynir Snær Magnússon kom fram ásamt kærustu sinni Elínu Sif Halldórsdóttur, söngkonu og leikara en hún vann Söngkeppni framhaldsskóla árið 2015. Reynir Snær er fyrrum nemandi FNV og fór á kostum í hljómsveit söngkeppninnar á sínum tíma. Reynir Snær stundar nú nám við listaháskóla í Liverpool. Þá flutti sigurvegarinn frá því fyrra, Valdís Valbjörnsdóttir, lagið Shallow með Lady Gaga. Keppnin fór fram fyrir troðfullu húsi og var afar jöfn og hörð. Dómnefndin átti að vanda erfitt með að gera upp á milli keppenda en niðurstaða hennar var sú að í fyrsta sæti hafnaði Ábjörn Edgar Waage með lagið Last in Line með Tenacious D. Í öðru sæti hafnaði Áróra Árnadóttir með lagið Always Remember Us This Way með Lady Gaga og í þriðja sæti höfnuðu bræðurnir Róbert Smári og Ingi Sigþór Gunnarssynir með lagið Minning eftir Mugison, Björgvn Halldórsson og Bob Dylan. Óhætt er að segja að áhorfendur hafi skemmt sér vel og keppnin ber vott um það gróskumikla starf sem fram fer á vegum Nemendafélags FNV. Stjórn nemendafélagsins fær bestu þakkir fyrir frábæran undirbúning og framkvæmd keppninnar. Atriði kvöldsins eru: Sæþór Már Hinriksson Dáinn úr ást - Sæþór Már Hinriksson Óli Bjarki Austfjörð Ekkert breytir því - Sálin hans Jóns míns Anna Margrét Hörpudóttir og Dagmar Ólína Gunnlaugsdóttir What now - Rihanna Magnús Þór Björnsson Revelations - Iron Maiden Áróra Árnadóttir Always remember us this way - Lady Gaga Pálmi Ragnarsson Bitch lasagna - Pewdiepie Rannveig Sigrún Stefánsdóttir Somebody to love - Queen Róbert Smári Gunnarsson og Ingi Sigþór Gunnarsson Minning - Mugison, Björgvin Halldórsson (Bob Dylan) Ásbjörn Edgar Waage Last in line - Tenacious D Helgi Hrannar Ingólfsson All i have - NF Ingi Sigþór Gunnarsson Fortíðaróður - Sveinn Rúnar Gunnarsson Atli Dagur Stefánsson House of the rising sun - The Animals Eysteinn Ívar Guðbrandsson og Víkingur Ævar Vignisson Þú verður tannlæknir - Laddi

Ljósmyndakeppni Fjölbrautaskóla Norðurlands vestra á vorönn 2019 Fram til til 17. mars 2019 fer fram ljósmyndkeppni meðal nemenda FNV. Allir skráðir nemendur skólans geta tekið þátt. Þema keppninnar er Fjör í FNV. Keppnisreglur 1. Hver keppandi skilar 1-3 myndum úr skólalífi FNV. 2. Allir skráðir nemendur skólans eru gjaldgengir í keppnina. 3. Myndunum skal skal skilað á rafrænu formi sem viðhengi í fullri stærð í gegnum fnvkeppni@gmail.com fyrir miðnætti mánudaginn 17. mars. 4. Fjölbrautaskóli Norðurlands vestra hefur birtingarrétt á öllum myndum sem berast í keppnina og áskilur sér rétt til að nota þær í kynningarskini. Áður en er til birtingar kemur þarf FNV að afla samþykkis þeirra sem birtast á myndunum nema um hópmyndir sé að ræða. 5. Við skil á myndum þarf að fylgja nafn höfundar og þeirra einstaklinga sem birtast á myndunum. Ekki er þörf á nafnalista fyrir hópmyndir. 6. Dómnefnd er skipuð einum nemanda, einum starfsmanni FNV og einum ljósmyndara. Ein verðlaun eru í boði en það er glæsileg myndavél sem gefin er af Origo og Tengli ehf. Nánari upplýsingar um vélina verða gefnar síðar. Verðlaunaafhending fer fram á sal skólans mánudaginn 25. mars kl. 09:30.

Söngkeppnin fer fram föstudaginn 15. febrúar kl. 20. Undirbúningur fyrir söngkeppni hefur staðið yfir frá því fyrir áramót hjá nemendaráði NFNV. Keppendur byrjuðu að æfa lögin í annarrri viku janúar. Fjöldi atriða er 13 og kennir þar ýmissa grasa.

Fjórir nemendur starfsbrautar FNV fóru ásamt tveimur kennurum til Finnlands dagana 4-8. febrúar sl. Ferðin var liður í Nordplus junior verkefni sem starfsbrautin tekur þátt í ásamt finnskum og eistneskum skóla.

Í janúar bættist við nýr starfsmaður, Hanna Þórey Guðmundsdóttir sem tók við starfi upplýsinga- og bókasafnsfræðings við skólann. Hanna hefur umsjón með rekstri bókasafnsins ásamt því að sjá um skjalavörslu, heimasíðu og samfélagsmiðla FNV. Hún lauk prófi í bókasafns- og upplýsingafræði árið 2001 og hefur fjölbreytta starfsreynslu í sínu fagi. Við bjóðum Hönnu hjartanlega velkomna til starfa.

Söngkeppni NFNV verður haldin í sal skólans föstudaginn 15. febrúar. Húsið opnar kl. 19:30 og dagskrá hefst kl. 20:00.

Húsgagnaviðgerðir (HGV102) námskeið á vorönn 2019 Viltu læra um orsakir og eðli skemmda á húsgögnum, greining þeirra og hvernig ber að standa að viðgerðum með hliðsjón af þeirri efnisnotkun og vinnuaðferðum sem upphaflega voru viðhafðar. Forvarnir varðandi húsgögn og viðmið sem skapast. Farið verður yfir pússningu, yfirborðsmeðhöndlun, helstu efni og áhöld sem notuð eru við viðgerðir. Lögð er áhersla á að nemendur fái yfirsýn yfir fagsviðið og geti komið með heildarlausnir fyrir viðskiptavini. Námskeiðið er bóklegt og verklegt og krefst þess að nemendur skili inn verkefnum að námskeiði loknu. Námskeiðið er sniðið að þörfum húsgagnasmiðanemenda en öllum er frjálst að taka þátt. Námskeiðið er metið til framhaldsskólaeininga. Skráning fer fram hjá Fjölbrautaskóla Norðurlands vestra í síma 455-8000 og lýkur miðvikudaginn 20. Mars. Kennsla fer fram föstudaginn 22. mars kl. 17:00-21:00, laugardaginn 23. mars kl. 08:00-17:00 og sunnudaginn 24. mars kl. 08:00-17:00 Þátttökugjald er 15.000 kr. Frekari upplýsingar veitir Karítas S. Björnsdóttir í síma 865-0619